له لېسانس زده کړو وروسته کوښښ وکړئ، تر ماسټري او دکتورا کچې لوړې زده کړې وکړئ!

logu_admin
سه‌شنبه ۱۴۰۴/۵/۷ - ۱۴:۱۶
۱۱

دوشنبه: د ۱۴۰۴ کال سرطان ۳۰مه او د ۱۴۴۷ محرم الحرام ۲۵مه نېټه.
قدرمنو زده کړيالانو! له لېسانس زده کړو وروسته کوښښ وکړئ، تر ماسټري او دکتورا کچې لوړې زده کړې وکړئ او ځان په خپل مسلک کې په پوره معنا ورسوئ.
دا خبرې لوګر د لوړو زده کړو موسسې رييس مفتي سيدضياءالاحمد صارم د دغې موسسې د دعوت او ارشاد آمريت لخوا په جوړه شوې ناسته کې د دغې موسسې د سږکال فارغېدونکو زده کړيالانو ته وکړې.
ښاغلي صارم يادو زده کړيالانو ته د دوی د لېسانس زده کړو د بشپړېدو د خوښۍ او مبارکۍ سربېره دوی ته د لا نورو لوړو زده کړو په ترسره کولو ټینګار وکړ. نوموړي وويل« که څه هم د هيواد او وکړو اوسنی اقتصادي حالت کمزوری او د ځوان نسل د لوړو زده کړو لپاره یې يو شمېر ننګونې رامخته کړي؛ خو بيا هم بايد له پوهنتون هر فارغ ځوان د دې په لټه کې وي؛ تر څو په لېسانس زده کړو بسنه ونه کړي، زیار وباسي او د دين او وطن د ښه خدمت په موخه دې تر بل هر وخت او هر چا لوړې او ګټورې زده کړې وکړي»
ښاغلي صارم همدا راز له دغه تحصیلي مرکز څخه فارغېدونکي ځوانان مکلف ياد کړل؛ تر څو هغه څه چې یې په تېرو څلورو کلونو کې د لېسانس په کچه زده کړي، تر نور په سمه او سالمه توګه ور ورسوي.
د يادولو ده، چې دغه اصلاحي او تربيتي ناسته په داسې حال کې وشوه، چې نږدې راتلونکې اونۍ کې د‌دغې موسسې له کرنې او همدا راز ښوونې او روزنې پوهنځيو څخه ګڼ شمېر ځوانان له بېلابېلو څانګو تر لېسانس زده کړو وروسته دټولنې د خدمت په موخه فارغيږي.
د نشراتو، اړيکو او عامه پوهاوي عمومي مدیریت.

لوګر پوهنتون د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر پوهنتون دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

لوګر پوهنتون رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

شنبه ۱۴۰۴/۹/۱ - ۱۴:۴۳
Background image

لوګر پوهنتون کې د ۱۴۰۴ کال خزاني سمستر د پای ازموینې پیل شوې؛

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون کې د څلورګونو پوهنځيو د ۱۴۰۴ کال خزاني سمستر د پایې ازموینې د لوړو زده کړو وزارت له لارښوونې سره سمې. . .

شنبه ۱۴۰۴/۹/۱ - ۱۴:۴۱
Background image

د کرنې پوهنځي محصلانو د کرنې، اوبو لګولو او مالدارۍ وزارت اړوند د بادام باغ څېړنیز مرکز ته علمي سیر ترسره کړ؛

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
 لوګر پوهنتون د کرنې پوهنځي د درېیم ټولګي محصلانو د تېرې اونۍ په لړ کې د عملي او مسلکي زده کړو په موخه د کرنې، اوبو. . .

شنبه ۱۴۰۴/۹/۱ - ۱۴:۳۹
Background image

لوګر پوهنتون د څلورګونو پوهنځیو محصلان له نشه توکو څخه د ځان ساتنې په اړوند معلوماتي سمینارونو څخه برخمن شول

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون د څلورګونو پوهنځیو محصلان له منظمو مهالوېشونو سره سم له نشه یي توکو څخه د ځان ساتنې په اړوند معلوماتي. . .

BACK TO NEWS