لوګر پوهنتون د کرنې پوهنځي او د لوګر ولايت د کرنې، اوبو لګولو او مالدارۍ رياست تر منځ د ګډو همکاريو هوکړه ليک لاسليک شو؛
دوشنبه: د ۱۴۰۴ کال ميزان/ تلې ۲۱مه او د ۱۴۴۷ ربيع الثاني ۲۰مه نېټه.
لوګر پوهنتون د کرنې پوهنځي او د لوګر ولايت د کرنې، اوبو لګولو او مالدارۍ رياست تر منځ د ګډو همکاريو هوکړه ليک د پوهنتون د رئيس مفتي سيدضياءالاحمد صارم او د ياد رياست رئيس مولوي شیرآغا پير حبيب الرحمن لخوا لاسليک شو.
په دغه هوکړه ليک کې تر ډېره مسلکي همکاريو ته ځای ځانګړی شوی، چې له مخې به يې دواړه ادارې له يو بل سره د کرنيزو علمي او عملي پروګرامونو په ترتيبولو، د کرنيزو برخو په عملي تجربو او ساحوي کارونو ترسره کولو او همدا راز د محصلانو په عملي او څېړنيزو زده کړو لازم او کړني ګامونه اخستل کيږي.
بايد وويل شي، چې په دې وروستيو کې د لوګر پوهنتون کرنې پوهنځي لخوا د مسلکي برخې د پياوړتيا په موخه د لوګر ولايت له ښاروالۍ او چاپېريال ساتنې رياستونو سره هم د ګډو همکاريو هوکړه ليکونه لاسليک شوي دي.
د نشراتو، اړيکو او عامه پوهاوي عمومي مدیریت.
