لوګر د لوړو زده کړو موسسې علمي شورا ناسته ترسره شوه!
دوشنبه: د ۱۴۰۳ کال عقرب/لړم ۲۸مه او د ۱۴۴۶ جمادی الاول ۱۶مه نېټه.
لوګر د لوړو زده کړو موسسې علمي شورا ناسته د دغې موسسې د رییس مولوي ضیاءالاحمد صارم په مشري ترسره شوه.
د دغې شورا ګډونوال د علمي او محصلانو چارو مرستیال پوهندوی دکتور شفیق الله شفقت، مالي او اداري مرستیال مولوي فضل الربي مصطفی، د څلورګونو پوهنځیو رییسان او همدا راز د څانګو او مستقل آمرین وو.
د شورا د پیل پر مهال د دغې موسسې رییس په خپلو خبرو کې د څلورګونو پوهنځیو رییسانو او څانګو آمرینو ته د زده کړیالانو پر علمي، مسلکي، فکري او عقیدوي سالمې روزنې په کلکه ټینګار وکړ او زیاته یې کړه، چې له تحصیلي مرکز څخه هر فارغ ځوان باید په پوره معنا د ټولنې او هیواد خادم وي، تر څو په هیواد کې د شته اسلامي نظام حق او غوښتنې پرځای شوې وي.
د علمي شورا دغه ناسته د یو شمېر نورو اړینو او ارزښتمنو موضوعاتو په خبرو او پرېکړو سره پای ته ورسېده.
د نشراتو، اړیکو او عامه پوهاوي لوی مدیریت.
