لوګر د لوړو زده کړو موسسې درې تنه اداري کارکوونکي په اړوندو مدیریتونو کې تغیر او تبدیل شول!

logu_admin
چهارشنبه ۱۴۰۴/۲/۱۰ - ۸:۵۸
۱۱

سه شنبه: د ۱۴۰۴ کال ثور/ غویي ۲مه او د ۱۴۴۶ شوال المکرم ۲۴مه نېټه.
لوګر د لوړو زده کړو موسسې درې تنه اداري کارکوونکي ددغې موسسې د رهبري د لزوم¬دید او وړاندیز له مخې د لوړو زده وزارت له حکم او منظوري سره سم د دغې موسسې په اړوندو مدیریتونو کې تغیر او تبدیل شول.
د یادو اداري کارکوونکو د معرفي کولو پر مهال لوګر د لوړو زده کړو موسسې د علمي او محصلانو چارو مرستیال پوهندوی دکتور شفیق الله شفقت د دوی کاري وړتیاوې د ستاینې وړ وبللې او د دې تر څنګ یې یاد تغیر او تبدیل په دغه تحصیلي مرکز کې د اداري چارو د لا ښه سمون او مسلکي تجربو د شریکولو راز یاد کړ. ورته مهال د مالي او اداري چارو مرستیال او د دغې موسسې سرپرست رییس مولوي فضل الربي مصطفی هم د دعایې پرمهال په راتلونکي کې له یادو اداري کارکوونکو څخه د ښه خدمت هیله وښوده.
باید وویل شي، چې په یادو اداري کارکوونکو کې د دغې موسسې د معاشاتو او حواله¬جاتو پخوانی مدیر انجنیر جمشېد حمزه د خدماتو عمومي مدیریت ته، د خدماتو پخوانی مدیر شهبازخان قلندر د شرعیاتو پوهنځي تدریسي عمومي مدیریت ته او همدا راز د شرعیاتو پوهنځي پخوانی تدریسي مدیر انجنیر بشیر احمد مبشر د لیلیې عمومي مدیریت ته تغیر او تبدیل شول.
د نشراتو، اړیکو او عامه پوهاوي عمومي مدیریت.

لوګر پوهنتون د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر پوهنتون دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

لوګر پوهنتون رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

شنبه ۱۴۰۴/۹/۱ - ۱۴:۴۳
Background image

لوګر پوهنتون کې د ۱۴۰۴ کال خزاني سمستر د پای ازموینې پیل شوې؛

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون کې د څلورګونو پوهنځيو د ۱۴۰۴ کال خزاني سمستر د پایې ازموینې د لوړو زده کړو وزارت له لارښوونې سره سمې. . .

شنبه ۱۴۰۴/۹/۱ - ۱۴:۴۱
Background image

د کرنې پوهنځي محصلانو د کرنې، اوبو لګولو او مالدارۍ وزارت اړوند د بادام باغ څېړنیز مرکز ته علمي سیر ترسره کړ؛

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
 لوګر پوهنتون د کرنې پوهنځي د درېیم ټولګي محصلانو د تېرې اونۍ په لړ کې د عملي او مسلکي زده کړو په موخه د کرنې، اوبو. . .

شنبه ۱۴۰۴/۹/۱ - ۱۴:۳۹
Background image

لوګر پوهنتون د څلورګونو پوهنځیو محصلان له نشه توکو څخه د ځان ساتنې په اړوند معلوماتي سمینارونو څخه برخمن شول

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون د څلورګونو پوهنځیو محصلان له منظمو مهالوېشونو سره سم له نشه یي توکو څخه د ځان ساتنې په اړوند معلوماتي. . .

BACK TO NEWS