د کرنې پوهنځي محصلانو د بني حصار د مالدارۍ څېرنیز فارم ته علمي سیر ترسره کړ؛

logu_admin
شنبه ۱۴۰۴/۸/۱۰ - ۱۲:۷
۱۱

چهارشنبه: د ۱۴۰۴ کال عقرب/ لړم ۷مه او د ۱۴۴۷ جمادی الاول ۷مه نېټه.
 لوګر پوهنتون د کرنې پوهنځي د کرنیز اقتصاد او توسعې څانګې د درېیم ټولګي محصلانو د کرنې، اوبو لګولو او مالدارۍ وزارت اړوند د بني حصار د مالدارۍ څېرنیز فارم ته علمي سیر ترسره کړ.
یادو محصلانو د فارم مدیریت مضمون په برخه کې د استاد پوهنيار صديق الله حماس په لارښوونه او د پوهندوی محمد سردار احمدي او پوهنيار نعیم الله رحماني په ملتیا د کرنې اوبو لګولو او مالدارۍ وزارت اړوند د بنی حصار د مالدارۍ تحقیقاتو فارم ته د علمي سیر په ترڅ کې د فارم مدیریت اړوند موضوعات او مباحث په عملي توګه ولیدل. د نسلي غواګانو د نسل اخستني او د منجمد سپرم د لابراتوارونو او پروسس کولو مرکز څخه لیدنه، د غواګانو مصنوعي القاح پروسه، د غواګانو د مدیریت اړوند پلان، د فارم د بشري ځواک مدیریت، د غواګانو د ساتنې بېلابېل صنفونه، د شیدو ورکونکو غواګانو د تغذيې فورمولاسیون او د خوراکي موادو ترکیب، د شیدو لوشلو ماشينونه او د ګټې اخستنې ډول، د فارم د  محصولات بازار موندنې او د خرڅلاو سیستمونه، د عوایدو راټولولو سيستمونه، د غواګانو د روزنې او ساتنې پرمختللي سيستمونه او تخنیکونه، د فارم د احتمالي خطراتو څخه د مخنيوي لارې چارې او ورته موضوعات د دغه علمي سیر موخې او لاسته راوړنې وې، چې محصلان یې هم له پایلو خوښمن وو.
باید وویل شي، چې یادو محصلانو تېره ورځ هم د لوګر ولايت محمدآغې ولسوالۍ کې د کرنې، اوبولګونې او مالدارۍ رياست اړوند ۸۰ جریبه باغ ته علمي سير ترسره کړی و.
د نشراتو، اړیکو او عامه پوهاوي عمومي مدیریت.

لوګر پوهنتون د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر پوهنتون دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

لوګر پوهنتون رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

شنبه ۱۴۰۴/۹/۱ - ۱۴:۴۳
Background image

لوګر پوهنتون کې د ۱۴۰۴ کال خزاني سمستر د پای ازموینې پیل شوې؛

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون کې د څلورګونو پوهنځيو د ۱۴۰۴ کال خزاني سمستر د پایې ازموینې د لوړو زده کړو وزارت له لارښوونې سره سمې. . .

شنبه ۱۴۰۴/۹/۱ - ۱۴:۴۱
Background image

د کرنې پوهنځي محصلانو د کرنې، اوبو لګولو او مالدارۍ وزارت اړوند د بادام باغ څېړنیز مرکز ته علمي سیر ترسره کړ؛

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
 لوګر پوهنتون د کرنې پوهنځي د درېیم ټولګي محصلانو د تېرې اونۍ په لړ کې د عملي او مسلکي زده کړو په موخه د کرنې، اوبو. . .

شنبه ۱۴۰۴/۹/۱ - ۱۴:۳۹
Background image

لوګر پوهنتون د څلورګونو پوهنځیو محصلان له نشه توکو څخه د ځان ساتنې په اړوند معلوماتي سمینارونو څخه برخمن شول

شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون د څلورګونو پوهنځیو محصلان له منظمو مهالوېشونو سره سم له نشه یي توکو څخه د ځان ساتنې په اړوند معلوماتي. . .

BACK TO NEWS