لوګر د لوړو زده کړو موسسې رییس د دغې موسسې د (کمپیوټر زده کړې) څانګې له عملي زده کړو څخه لیدنه وکړه!
یکشنبه: د ۱۴۰۳ کال میزان/تلې ۸مه او د ۱۴۴۶ ربیع الاول ۲۶مه نېټه.
لوګر د لوړو زده کړو موسسې رییس مولوي ضیاءالاحمد صارم د دغې موسسې د ښوونې او روزنې پوهنځي د کمپیوټر زده کړې څانګې د زده کړیالانو له عملي زده کړو څخه لیدنه وکړه.
په دغه لیدنه کې د دغې موسسې رییس یادو زده کړیالانو ته په عملي او نظري زده کړو کې د امکان تر حده د اړوندو تجهیزاتو او لا نورو امکاناتو د برابرولو ډاډ ورکړ. نوموړي همدا راز له یادو زده کړیالانو وغوښتل، چې د دغه تحصیلي مرکز له شته امکاناتو پوره او سالمه ګټه پورته کړي او د نظري زده کړو تر څنګ په عملي برخه کې هم زیات څه له ځانه سره ولري. د دغې موسسې رییس همدا راز یادو زده کړیالانو ته وویل: (په پام کې ده، چې د لوګر مخابراتو ریاست سره د عملي زده کړو او دا راز د نورو اړوندو برخو د علمي څېړنو په موخه د ګډو همکاریو تفاهم لیک هم لاسلیک کړي، چې په دې سره به یاد زده کړیالان په مسلکي ډګر کې خورا ډېر څه ترلاسه کړي.)
باید وویل شي، چې لوګر د لوړو زده کړو موسسه کې د کمپیوټر زده کړې څانګې د زده کړیالانو سربېره د نورو پوهنځیو او څانګو زده کړیالانو ته هم د کمپیوټر اړوند عملي او نظري درسونه د دغې موسسې په ځانګړي کمپيوټرلب کې وړاندې کیږي.
د نشراتو، اړیکو او عامه پوهاوي لوی مدیریت.
