لوګر د لوړو زده کړو موسسه کې له سلګونو ځوانانو د نبوي سیرت سیالۍ ازموینه واخستل شوه!
چهارشنبه: د ۱۴۰۳ کال عقرب/لړم ۹مه او د ۱۴۴۶ ربیع الثانی ۲۷مه نېټه.
لوګر د لوړو زده کړو موسسه کې د دغې موسسې د دعوت او ارشاد آمریت لخوا له سلګونو زده کړیالانو، د دیني مدرسو طالبعلمانو، د ښوونځیو زده کوونکو او ځوانانو څخه د نبوي سیرت سیالۍ ازموینه واخستل شوه.
د ازموینې په پیل کې د دغې موسسې رییس مولوي ضیاءالاحمد صارم ټولو ګډونوالو ته د ازموینې د بشپړې روڼتیا په اړوند ډاډ ورکړ او همدا راز یې د دغې سیالۍ اصلي موخه د ځوان نسل فکري او اسلامي روزنه وښوده.
هېره دې نه وي، چې د یادې سیالۍ د ګټونکو لپاره د پام وړ ډالۍ هم په پام کې نیول شوي، چې په راتلونکې يوې اونۍ کې به یې پایلې اعلان شي.
د نشراتو، اړیکو او عامه پوهاوي لوی مدیریت.
