لوګر پوهنتون عمومي کتابتون لپاره امنیتي کمرې ځای پر ځای او فعالې شوې!
چهارشنبه: د ۱۴۰۴ کال میزان/ تلې ۱۶مه او د ۱۴۴۷ ربیع الثانی ۱۵مه نېټه.
لوګر پوهنتون عمومي کتابتون لپاره د کتابونو د خوندیتو، د مطالعې د ځانکړي ځای او لوستونکو د ښې څارنې په موخه امنیتي کمرې ځای پر ځای او فعالې شوې.
د لوګر پوهنتون د مالي او اداري چارو مرستیال مولوي فضل الربي مصطفی وایي، چې یاد کمرې یې د پوهنتون له اړوندې بودیجې څخه د لومړي ځل لپاره اخستي، چې خواو شا (۳۰۰۰۰) دېرش زره افغانۍ لګښت پرې راغلی. د نوموړي په خبره، چې له یادو کمرو څخه یې موخه د عمومي کتابتون د کتابونو او په کتابتون کې د اړوند نظم څارل او اداره کول دي.
باید وویل شي، چې د لوکر پوهنتون په عمومي کتابتون کې دا مهال په زرګونو ټوکه بېلابېل اسلامي، ساینسي، ټولنیز او نور مسلکي کتابونه د محصلانو او لوستونکو لپاره ترتیب او ځای پر ځای شوي دي.
د نشراتو، اړیکو او عامه پوهاوي عمومي مدیریت.
