لوګر د لوړو زده کړو موسسې رهبري د دغې موسسې د څلورګونو پوهنځیو د څانګو له آمرینو سره مشورتي ناسته وکړه!
یکشنبه: د ۱۴۰۳ کال سنبله/وږي ۱۸مه او د ۱۴۴۶ د ربیع الاول ۵مه نېټه.
لوګر د لوړو زده کړو موسسې رهبري د دغې موسسې د څلورګونو پوهنځیو د څانګو له آمرینو سره د چارو د ښه سمون او همغږي په موخه مشورتي ناسته وکړه.
په پیل کې د دغې موسسې د علمي او محصلانو چارو مرستیال پوهندوی دکتور شفیق الله شفقت په خپلو خبرو کې د څانګو له آمرینو د دوی د ښه آمریت او رښتیني خدمت ستاینه وکړه او ټینګار یې وکړ، چې دوی دې نور هم خپل مسؤلیتونه په ښه او رښتینې توګه سرته ورسوي. ورپسې د دغې موسسې رییس مولوي ضیاءالاحمد صارم هم یادو آمرینو ته د ښه خدمت، مسؤلیت پېژندلو او سالم مدیریت په اړوند لازمې سپارښتنې وکړي، ښاغلي صارم وویل (( زمونږ اوسنی اداري سیستم او مدیریت د اسلام له مبارک دین څخه سرچینه اخلي او د اسلام د سپېڅلي پیغمبر ص په وخت کې هم منظم اداري او مدیریتي ترتیب روان و، هغه مبارک (ص) به مناسب کسان پر مسؤلیتونو ګمارل، چې پدې سره د وخت ټول اداري او د رسالت چارې منظمې مخته تللې)) نوموړي همدا راز زیاته کړه، چې اداري او کاډمیک مسؤلیت یو ستر امانت دی او باید په احسنه توګه سرته ورسول شي.
