لوګر د لوړو زده کړو موسسې رییس د خزاني سمستر د درسونو بهیر له نږدې وڅاره!
دوشنبه: د ۱۴۰۴ کال اسد/ زمري ۲۰مه او د ۱۴۴۷صفرالمظفر ۱۷مه نېټه.
لوګر د لوړو زده کړو موسسې رییس مفتي سید ضیاءالاحمد صارم د ۱۴۰۴ کال خزاني سمستر د درسونو بهیر له نږدې وڅاره.
د دغې موسسې د څلورګونو پوهنځیو د ۱۴۰۴ کال د خزاني سمستر درسونه له تېرو دوه اونیو راپدېخوا پیل شوي او تر څنګ یې د نویو زده کړیالانو نوملیکنه هم په منظم ډول روانه ده. د دغې موسسې رییس نن د کرنې پوهنځي له درسي بهیرڅخه د لیدنې او څارنې پر مهال ټولو زده کړیالانو ته پر ښه درس ویلو او غیرحاضري نه کولو ټینګار وکړ او دوی ته یې ډاډ ورکړ، چې له خپلو ټولو شته امکاناتوپه استفادې به د دغې موسسې تدریسي بهیر لاهم پیاوړی ساتي او زده کړیالانو ته به د نظري زده کړو تر څنګ د عملي زده کړو او څېړنو امکانات هم برابروي.
د نشراتو، اړیکو او عامه پوهاوي عمومي مدیریت
