لوګر پوهنتون نويو استادانو ته د تدريس ميتودونو په اړوند دوه ورځنی روزنيز سمينار وړاندې شو؛
سه شنبه؛ د ۱۴۰۴ کال عقرب/ لړم ۱۳مه او د ۱۴۴۷ جمادی الاول ۱۳مه نېټه.
لوګر پوهنتون نويو استادانو ته د تدريس ميتودونو په اړوند دوه ورځنی روزنيز سمينار د ښوونې او روزنې پوهنځي استاد پوهنيار محمد فلاح سلطاني لخوا وړاندې شو.
د سمينار پيل د علمي او محصلانو چارو مرستیال پوهندوی مولوي ميرويس ستانکزي په خبرو وشو. ښاغلي ستانکزي د تدريس پر تګلارو او څرنګوالي هر اړخيزې خبرې وکړې او همدا راز پر استادانو يې ټینګار وکړ، چې د تدريس پر مهال دې له بېلابېلو او ګټورو ميتودونو څخه ګټه اخلي؛ تر څو محصلان خپل اړوند درسونه په ښه ډول زده کړي.
بايد وويل شي، چې لوګر پوهنتون رهبري وخت پر وخت د خپلو استادانو د وړتيا لوړونې په موخه دا ډول روزنیز سمينارونه ترتيبوي.
د نشراتو، اړيکو او عامه پوهاوي عمومي مدیریت.
