لوګر د لوړو زده کړو موسسې او د لوګر پوهنې رياست تر منځ د ګډو همکاريو هوکړه ليک لاسليک شو!
دوشنبه: د ۱۴۰۴ کال جوزا/ غبرګولي ۲۶مه او د ۱۴۴۶ ذوالحجة الحرام ۱۹مه نېټه.
لوګر د لوړو زده کړو موسسې او د لوګر پوهنې رياست تر منځ د ګډو همکاريو هوکړه ليک د علمي او څېړنيزو پرمختګونو او مسلکي تجربو شريکولو په موخه لاسليک شو.
په دې تړاو جوړو شویو مراسمو کې د دغې موسسې مفتي سيدضياءالاحمد صارم، د پوهنې رییس مولوي عبدالرحمن حميدي، د دغې موسسې د ښوونې او روزنې پوهنځي رييس پوهنيار ابراهيم نوري او همدا راز د يادو ادارو يو شمېر نورو مسؤلينو ګډون درلود.
په پيل کې د دغې موسسې رييس ياد هوکړه ليک د دواړو علمي ادارو د مسلکي بډاينې لامل ياد کړ او د ادارو تر منځ ګډه همکاري او همغږي يې د اسلامي ارزښتونو يوه بېلګه وښوده. نوموړي همدا راز له دغه هوکړه ليک څخه اساسي موخه د علمي څېړنو او مسلکي تجربو شريکول ياد کړل.
ورپسې د پوهنې رييس هم د ياد هوکړه ليک پر لاسليک خوښي وښوده او هيله یې وښوده، چې په راتلونکي کې به د هوکړه ليک ټولو مادو ته د ژمنتيا ترڅنګ د عملي چارو د ترسراوي لپاره اوچت ګامونه اخلی.
د علمي ګډو همکاريو دغه هوکړه ليک به د راتلونکو پنځو کلونو لپاره د پلي کېدو او اعتبار وړ وي، چې د دغې موسسې د ښوونې او روزنې پوهنځي د رییس لخوا يې ذکر شوې مادې هم ګډونوالو ته تقرير شوې.
یاد مراسم د دواړو علمي او تحصیلي ادارو د رييسانو لخوا د هوکړه ليک د لاسليک کولو وروسته د دعايې په لوستلو سره پای ته ورسېدل.
د نشراتو، اړيکو او عامه پوهاوي عمومي مديريت.
